Ek Baar Kabhi

Angaaron pe chalte dekha hai,

Aur barood pe qayamat likhte,

Na dekhi kabhi wo dastaan,

Jo prithvi ka rukh badal de...

Aae thhey maut ko harakar,

Kabra se saansein kheechkar,

Jashn me kuchh yu duube,

Ki shaam to dhal gyi,

Par subah nahi aayi...

Karte thhey samundar ki baatein,

Duur pahadon ki talhati se,

Jab samundar k paas aae,

To lehron se darne lagey...

Dharti ka seena faadkar,

Jo itraate thhey aksar,

Aakash ki ore bhi dekh lete,

Ek baar kabhi...